Lôn Las Ogwen o Fangor i Lyn Ogwen
Mae Lôn Las Ogwen yn daith fendigedig gyda golygfeydd mynyddig gwych wrth i chi ddringo i’r de o’r arfordir ym Mangor (Porth Penrhyn) ar hyd llwybr rheilffordd drwy goedwig lydanddail sy’n rhedeg gydag Afon Cegin i bentref Tregarth. Mae’r daith yn parhau i fyny drwy wastraff y chwarel lechi ar lwybr sydd wedi ei gynllunio’n dda gyda golygfeydd hyd yn oed gwell o fynyddoedd Eryri o’ch blaen. Mae’r llwybr yn ymuno ag isffordd sy’n rhedeg yn gyfochrog â’r A5 brysur ac felly dim ond ychydig o draffig sydd arni. Mae dringfa olaf yn mynd â chi ar lan Llyn Ogwen lle y mae caffi ac fel arfer sawl gr?p yn mwynhau gweithgareddau awyr agored, naill ai’n cerdded, dringo neu’n beicio. Mae’r mynyddoedd yn codi i dros 3000 troedfedd bob ochr i’r ffordd. Dechreuwyd chwareli Penrhyn, a gloddiau lechi ar gyfer Bethesda, ym 1770 gan Richard Pennant, Barwn 1af Penrhyn, a’r system cloddio brig mwyaf yn y byd, gan ffurfio amffitheatr milltir o hyd a 1200 troedfedd o ddyfnder. Adeiladwyd rheilffordd y gwaith chwarel, y mae’r llwybr yn ei dilyn, rhwng 1870 a 1801. Cyn hyn byddai’r llechi a gloddiwyd ym Methesda yn cael eu cludo gan geffylau pwn neu fulod gyda chertiau ac ar dramffordd a adeiladwyd ym 1801. Caewyd y llinell ym 1962. Gyda’r ffortiwn a wnaethant o’r fasnach llechi adeiladwyd Castell Penrhyn gothig-ffug sydd erbyn hyn yn gartref i amgueddfa ddoliau, casgliad o drenau diwydiannol ac amrywiaeth o anifeiliaid wedi eu stwffio.
Noder: Mae dringfa o bron i 1000 troedfedd o Fangor i Lyn Ogwen felly bydd hi’n daith llawer arafach ar y ffordd i fyny nag y bydd wrth ddychwelyd. I gael taith fwy hamddenol, ewch ond cyn belled â Thregarth, sydd â dringfa o lai na 300 troedfedd.
Atyniadau naturiol:
- Golygfeydd o Eryri
- Llyn Ogwen
Atyniadau i ymwelwyr:
- Porth Penrhyn
Cynigwyd y llwybr gan: Sustrans
Tagiau
Map o'r Llwybr
View Larger Map
Sylwadau (0)
Manylion allweddol y llwybr
- Rhanbarth/Ardal:
Gogledd-orllewin
- Pellter:
11 milltir
- Amser sydd ei angen:
2 awr
- Dosbarthiad:
- Traffig:
Di-draffig i Dregarth (8 milltir) ac yna cymysgedd o lwybrau di-draffig a lonydd tawel
- Wyneb:
Cymysg
- Llwybr RhBC:
Llwybr Cenedlaethol 85
- Cychwyn:
Porth Penrhyn, i'r gogledd ddwyrain o Fangor
- Gorffen:
Bwthyn Ogwen, Llyn Ogwen
- Llogi beiciau:
Dim ym Mangor, yr agosaf yng Nghaernarfon
- Mynediad:
Gorsaf drên ym Mangor
- Mapiau a llysrynnau:
-
Map Lôn Las Cymru Gogledd NN8B £6.99
Arweinlyfr Lôn Las Cymru – £6.99
Taflen Bwrdeistref Sirol Conwy – PDF am ddim
- Cysylltiadau Gyda:
Mae’r llwybrau di-draffig agosaf yn cychwyn yn Llangefni (Ynys Môn) neu yng Nghaernarfon
Dewis llwybr arall
