Y Rhyl i Lanelwy
Gan ddechrau yn nhref arfordirol y Rhyl mae’r daith hon yn dilyn Afon Clwyd ac Elwy ar ben gogleddol Dyffryn Clwyd. Mae’r daith yn dechrau yn y Pentre Plant, sydd wedi ei leoli ar bromenâd y dref glan môr enwog hon, ac yn mynd i gyfeiriad Bae Cinmel.
Cyn i chi gyrraedd y Bont Las sy’n croesi Afon Clwyd wrth Harbwr y Foryd, rydych yn troi yn ôl ar eich hun i fynd heibio Marine Lake a’i reilffordd fach. Byddwch yn ofalus wrth groesi’r Bont-H ar y ffordd, ond yn fuan fe fyddwch yn ôl ar lwybrau di-draffig yng Nghoedwig Gymunedol Glan Morfa, gwarchodfa natur leol wedi’i gwasgu rhwng y Rhyl ac Afon Clwyd. Dilynwch y llwybr tua’r de i gyrraedd glannau Afon Clwyd gyda’i thoreth o adar a golygfeydd i lawr ar hyd Dyffryn Clwyd ac AHNE Mynyddoedd Clwyd ar eich lllaw chwith.
Yn Rhuddlan mae’n werth dargyfeirio ychydig er mwyn ymweld â’r castell ac mae gan y pentref hefyd amrywiaeth da o gaffis a siopau bach. Parhewch i Lanelwy gan redeg yn gyfochrog â’r ffordd fawr ac yna ymuno â’r llwybr glan afon ar hyd glannau Afon Elwy. Croeswch yr afon i’r parc am seibiant haeddiannol, neu parhewch i fyny’r allt i’r siopau, y caffis lleol a’r gadeirlan yn ninas leiaf Gogledd Cymru!
Mae hi hefyd yn bosibl ymestyn y daith hon drwy ddefnyddio’r ddolen i’r de o goedwig Glan Morfa a mynd am Bwll Brickfield, gwarchodfa natur leol gyda llwybr cylchol a taith gerfluniau.
Am ragor o wybodaeth gweler taflen Sir Ddinbych Sustrans.
Atyniadau naturiol:
- Arfordir a thraethau Gogledd Cymru
- Dyffryn Clwyd/AHNE Mynyddoedd Clwyd
- Afon Clwyd ac Elwy
- Gwarchodfa Natur Leol Rhuddlan
Atyniadau i ymwelwyr:
- Pentre Plant
- Tŵr Awyr Rhyl
- Marine Lake a rheilffordd fach
- Castell Rhuddlan
- Cadeirlan Llanelwy
Cynigwyd y llwybr gan: Sustrans
Tagiau
Map o'r Llwybr
View Rhyl to St Asaph in a larger map
Sylwadau (0)
Manylion allweddol y llwybr
- Rhanbarth/Ardal:
Gogledd-ddwyrain
- Pellter:
7 milltir
- Dosbarthiad:
- Traffig:
Di-draffig
- Wyneb:
Tarmac
- Cychwyn:
Y Rhyl
- Gorffen:
Llanelwedd
- Mynediad:
Gorsaf reilffordd prif lein yn y Rhyl
- Mapiau a llysrynnau:
-
Taflen Bwrdeistref Sirol Conwy – PDF am ddim
- Tywydd:
-
Iau
uchaf: 16°C isaf: 7°C
-
Gwener
uchaf: 15°C isaf: 8°C
-
Sadwrn
uchaf: 19°C isaf: 7°C
-
Sul
uchaf: 17°C isaf: 7°C
Dewis llwybr arall
