Llwybr yr Hebog
Gan ddechrau yn nhref farchnad hanesyddol Trefynwy - man geni Harri’r V - mae’r llwybr hwn fel petai wedi ei godi allan o lyfr storïau i blant. Mae cymaint i’w weld yn y dref hon sy’n frith o hen dafarndai, siopau llawn cymeriad a safleoedd treftadaeth yn cynnwys adfeilion castell.
O Drefynwy bydd y llwybr yn mynd â chi heibio’r Kymin, man picnic poblogaidd wedi ei leoli mewn naw erw o barcdir bendigedig gyda golygfeydd panoramig ar draws Cymru.
Mentrwch ymlaen i Geunant Gwy gydag Afon Gwy a’i eogiaid niferus yn rhedeg drwy’r canol ac fe ddewch i mewn i bentref poblogaidd Symonds Yat East ar ochr Swydd Gaerloyw o’r afon. Yma ceir canolfan llogi canĊµod a thafarndai croesawgar - yn cynnwys tafarn y Saracens Head. Mae’r ardal hefyd yn borth ar gyfer dringfa raddol i Graig Symonds Yat lle gellir gweld Hebogiaid Tramor yn nythu.
Ychydig oddi ar y llwybr arferol yn The Doward gallwch ymweld ag Ogof y Brenin Arthur, y dywedwyd iddi unwaith fod yn gartref i ddynion Palaeolithig. Mae arfau a wnaed o fflint ac olion Mamoth gwlanog wedi eu darganfod gerllaw ond erbyn hyn mae’r ogof yn gartref i ddim ond nifer o bryfed ac anifeiliaid, yn cynnwys ystlumod.
Reidiwch yma ac acw ar isffordd ac ar gopa bryn coediog gallwch ryfeddu ar Gastell Goodrich ysblennydd. Mae gan y castell, sy’n dyddio’n ôl i’r unfed ganrif ar ddeg, ganolfan ymwelwyr sy’n nodi ei hanes hyd ei gwymp yn ystod y Rhyfel Cartref yn Lloegr ym 1646. Darganfuwyd canonau yn dyddio’n ôl i’r Rhyfel Cartref yma yn y 1920au ac maent yn cael eu harddangos.
Atyniadau naturiol:
- Afon a Cheunant Gwy
- Craig Symonds Yat
- Ogof y Brenin Arthur
- Hebogiaid Glas
Atyniadau i ymwelwyr:
- Castell Goodrich
- Tref Trefynwy a Castell
Cynigwyd y llwybr gan: Sustrans
Tagiau
Map o'r Llwybr
View Peregrine Path in a larger map
Sylwadau (0)
Manylion allweddol y llwybr
- Rhanbarth/Ardal:
De Ddwyrain Cymru
- Pellter:
5 - 8 milltir
- Dosbarthiad:
Hawdd
- Traffig:
Di-draffig yn bennaf ond rhai isffyrdd
- Wyneb:
Tarmac
- Llwybr RhBC:
423
- Cychwyn:
Trefynwy
- Gorffen:
Goodrich
- Llogi beiciau:
Pedalabikeaway, Cannop, Coleford
- Mapiau a llysrynnau:
-
Taflen Llwybr yr Hebog – PDF am ddim
Dewis llwybr arall
