Routes2Ride - Sustrans

Nôl

Lôn Eifion o Gaernarfon i'r de i Fryncir

Lôn Eifion from Caernarfon south to Bryncir

Sylwadau
Gweld map

Mae’r llwybr rheilffordd hir hwn yn cychwyn ger y castell atmosfferig yng Nghaernarfon ac yn dringo i’r de ochr yn ochr â Rheilffordd Ucheldir Cymru heibio Llanwnda a Phenygroes i’r Bryncir gyda golygfeydd gwych i’r gorllewin dros Fae Caernarfon ac i’r dwyrain tuag at Eryri.

Mae Caernarfon yn gorwedd yng nghysgod tyrau a bylchfuriau’r castell mawreddog, a adeiladwyd gan Edward I yn y drydedd ganrif ar deg er mwyn rheoli’r fynedfa i Afon Menai. Cafodd ei dyrau amlonglog unigryw, bylchfuriau brawychus a’i furiau bandiau lliw eu cynllunio i adlewyrchu Caer Gystennyn, grym imperialaidd Rhufain a’r castell delfrydol harddaf a welwyd erioed o fytholeg a chwedloniaeth Cymru. Ym 1969 daeth y castell yn enwog drwy’r byd fel y lleoliad ar gyfer arwisgo’r Tywysog Siarl yn Dywysog Cymru.

Cyrhaeddir pwynt uchaf Lôn Eifion wedi bron i 500 troedfedd o ddringo, ychydig islaw mast radio, tua dwy filltir i’r de o Benygroes. Mae’r llwybr yn rhan o Lwybr 8 y Rhwydwaith Beicio Cenedlaethol, a adwaenir fel Lôn Las Cymru, sy’n cysylltu Caergybi gyda Chaerdydd. Efallai y byddwch am dorri eich siwrnai drwy ymweld â Gwaith Llechi Inigo Jones yn y Groeslon, tua 4 milltir i’r de o Gaernarfon, i gael gweld crefftwyr yn torri, siapio a llathru slabiau llechi crai yn gynhyrchion masnachol megis grisiau, wynebau gweithio cegin a nifer o eitemau crefft. Mae caffi yno hefyd.