Lôn Cambria: Aberystwyth i'r Amwythig
Mae Lôn Cambria yn croesi calon harddwych Canolbarth Cymru drwy fynyddoedd Cambria, ar hyd llwybr 113 milltir o’r arfordir yn Aberystwyth i dref hanesyddol Amwythig ar y ffin.
Gan adael Aberystwyth, tref glan môr o gyfnod Victoria, mae’r llwybr yn dilyn yr Afon Ystwyth ar hyd llawr y dyffryn ac yna’n dringo’n serth i Bont-rhyd-y-groes ac yn ymuno â’r ffordd fynydd drawiadol ac anghysbell i’r dwyrain o Gwmystwyth. Yn ei thro mae hon yn arwain ar ddisgynfa drawiadol ar Lwybr Cwm Elan di-draffig ar hyd cronfeydd dŵr hardd Cwm Elan i dref Rhaeadr Gwy.
Dilynir Lôn Las Cymru (Llwybr 8 Rhwydwaith Beicio Cenedlaethol) i’r gogledd ar lôn â chlwydi hyfryd o dawel sy’n rhedeg yn gyfochrog a’r Afon Wy i Langurig. Croesir y wahanfa ddŵr wrth i chi fynd heibio Dyffryn Gwy i Ddyffryn Hafren i’r gogledd o Langurig, gan ddisgyn i lawr i Lanidloes lle mae Lôn Las Cymru yn troi i’r gogledd orllewin tuag at Fachynlleth a Lôn Cambria yn parhau i’r gogledd ddwyrain i Gaersws. Wedi Caersws ceir un o’r dringfeydd mwyaf serth y llwybr, felly gwnewch y gorau o’r adran wastad, ddi-draffig ar hyd llwybr Camlas Brycheiniog drwy’r Drenewydd cyn ymuno â rhwydwaith o lonydd tawel i’r Trallwng.
Mae’r ddringfa olaf ar y Ffordd Rufeinig dros y Mynydd Hir yn rhoi golygfeydd panoramig cyn disgyn drwy’r dolydd glan yr afon i dref marchnad Amwythig gyda’i chysylltiadau rheilffordd a’r siwrnai adref. Mae Llwybr 81 y Rhwydwaith Beicio Cenedlaethol yn parhau i’r dwyrain drwy Swydd Amwythig i Wolverhampton a Birmingham.
Atyniadau naturiol:
- Cwm Ystwyth
- Mynyddoedd Cambria
- Cronfeydd Dŵr Cwm Elan
Atyniadau i ymwelwyr:
- Llyfrgell Genedlaethol, Aberystwyth
- Canolfan Ymwelwyr Cwm Elan
Cynigwyd y llwybr gan: Sustrans
Tagiau
Map o'r Llwybr
Sylwadau (1)
Manylion allweddol y llwybr
- Rhanbarth/Ardal:
Canolbarth Cymru
- Pellter:
113 milltir
- Amser sydd ei angen:
2-3 diwrnod
- Dosbarthiad:
- Wyneb:
Cymysg
- Llwybr RhBC:
Llwybr Cenedlaethol 81
- Cychwyn:
Aberystwyth
- Gorffen:
Amwythig
- Mynediad:
Gorsafoedd trên yn Aberystwyth, Caersws, Y Drenewydd, Y Trallwng a'r Amwythig.
- Mapiau a llysrynnau:
-
Lôn Cambria & Lôn Teifi NN81 £6.99
Arweinlyfr Lôn Cambria & Lôn Teifi – £6.99
- Cysylltiadau Gyda:
Lôn Teifi ym Mhont-rhyd-y-groes i’r de ddwyrain o Aberystwyth.
Lôn Las Cymru rhwng Rhaeadr Gwy a Llanidloes.
- Tywydd:
-
Iau
uchaf: 14°C isaf: 8°C
-
Gwener
uchaf: 14°C isaf: 9°C
-
Sadwrn
uchaf: 13°C isaf: 9°C
-
Sul
uchaf: 13°C isaf: 7°C
Dewis llwybr arall
16/09/08, at 11:28 PM
I am a liasion ranger for route 81(Lon Cambria) and would be pleased to receive any comments from people who have used the route. I have produced an accomodation list for the route and could e-mail it to anybody who would like it. My e-mail is brettk@fsmail.net