Routes2Ride - Sustrans

Nôl

Traphont Hengoed i Taf Bargoed

Sylwadau
Gweld map

Mae’r daith, sy’n cychwyn ychydig filltiroedd i’r gogledd o Gaerffili, yn dringo’n araf o Draphont Hengoed drwy Nelson a Threlewis i’r ganolfan ddringo yn Nhaf Bargoed.

Dathlir Traphont urddasol Hengoed, sy’n croesi’r Afon Rhymni, gyda’i gwaith celf ‘Olwyn Dramiau’ gwych.

Am lawer o’i hyd mae’r llwybr yn rhedeg yn gyfochrog â llinell reilffordd ar lwybrau beicio sydd wedi eu hadeiladu’n arbennig. Ar y daith fe geir ardaloedd mawr o dir newydd ei dirweddu, wedi ei adfywio o’r hen weithiau diwydiannol. Mae dringfa fer ond serth o Drelewis i fyny cyfres o adrannau igam ogam gan fynd â chi heibio i’r Cascades, nodwedd ddŵr ddramatig sy’n cludo’r afon Taf Bargoed i lawr y dyffryn ac o dan bont droed urddasol dros yr afon.

Wrth i chi ddynesu at y ganolfan ddringo byddwch yn mynd heibio i gyfres o welyau cyrs newydd eu plannu sydd wedi llwyddo i leihau gan 79% yr ocr haearn oedd gynt yn staenio’r afon yn goch ac yn peri problemau difrifol i fywyd gwyllt dyfrol. Byddwch hefyd yn mynd heibio i gyfres o fyrddau arddangos gyda manylion yr hen wythiennau glo a weithiwyd drwy’r cwm.

Mae caffi yn y ganolfan ddringo. Mae’n hawdd ymestyn y daith er mwyn reidio naill ai i’r gorllewin drwy Fynwent y Crynwyr er mwyn cysylltu i Daith Taf neu i’r dwyrain o Hengoed i Wyllie a dechrau’r llwybr drwy Barc Gwledig Dyffryn Sirhowy.