Cod beicio da
Byddwch yn ddiogel, byddwch yn gwrtais a mwynhewch eich beicio ar y Rhwydwaith Beicio Cenedlaethol
Mae'r Rhwydwaith Beicio Cenedlaethol yn cynnig 10,000 milltir o lwybrau beicio, yn rhedeg drwy ganol canolfannau trefol ac yn cyrraedd pob rhan o'r DU.
Bwriad y Rhwydwaith yw annog pobl i ddechrau beicio eto a bod yn adnodd diogel a deniadol ar gyfer teuluoedd, beicwyr newydd a beicwyr profiadol. Bydd traean o'r Rhwydwaith Beicio Cenedlaethol ar lwybrau di-draffig ac felly’n rhoi amwynder newydd a phwysig ar gyfer cerddwyr a phobl gydag anabledd.
Ar bob llwybr...
Byddwch yn gwrtais! Pan yn beicio parchwch eraill, boed hwy'n feicwyr eraill, yn gerddwyr, yn bobl mewn cadair olwyn, yn farchogwyr neu'n yrwyr, a diolchwch i’r rai sy'n ildio’r ffordd i chi.
Ar lwybrau a rennir...
Mae traean o'r Rhwydwaith Beicio Cenedlaethol ar lwybrau di-draffig, megis hen lwybrau rheilffordd. Maent wedi eu cynllunio i'w rhannu gan feicwyr a cherddwyr. Yn aml maent yn addas ar gyfer cadeiriau olwyn ac weithiau ar gyfer marchogwyr. Dengys profiad yn y DU a thramor y gall lwybrau o'r fath fod o fudd i bawb ac y gallant gael eu rhannu'n hawdd ac yn ddiogel os byddwn yn parchu ein gilydd.
Pan yn beicio ar lwybrau a rennir:
- ildiwch y ffordd i gerddwyr, gan adael digon o le iddynt
- cadwch i'ch ochr chi o unrhyw linell sy'n rhannu'r llwybr
- byddwch yn barod i arafu neu stopio os bydd angen
- peidiwch â disgwyl beicio ar gyflymder uchel
- byddwch yn ofalus ar gyffyrdd, troadau ac wrth fynedfeydd
- cofiwch fod llawer o bobl yn drwm eu clyw neu â nam ar eu golwg - peidiwch â chymryd yn ganiataol eu bod yn gallu eich gweld a'ch clywed
- cariwch gloch a defnyddiwch hi – peidiwch â pheri syndod i bobl
- ildiwch y ffordd i ddefnyddwyr cadair olwyn a marchogwyr.
Ar ffyrdd...
Mae llawer o'r Rhwydwaith Beicio Cenedlaethol ar ffyrdd lle y mae traffig wedi ei dawelu neu ar isffyrdd drwy drefi a chefn gwlad.
Pan yn beicio ar ffyrdd:
- dilynwch Reolau'r Ffordd Fawr bob amser
- gwnewch yn siŵr y gellir eich gweld - mae'r rhan fwyaf o ddamweiniau i feicwyr yn digwydd ar gyffyrdd
- gosodwch oleuadau ar eich beic a defnyddiwch hwy pan fydd gwelededd yn wael
- ystyriwch wisgo helmed a dillad amlwg
- cadwch eich beic yn addas ar gyfer y ffordd
- peidiwch â beicio ar balmentydd oni bai bod hynny wedi ei ddynodi – mae’r palmentydd ar gyfer cerddwyr
- defnyddiwch eich cloch – ni all bob cerddwr eich gweld.
Ac yng nghefn gwlad...
- dilynwch y Cod Cefn Gwlad
- parchwch weithgareddau rheoli tir, eraill megis ffermio neu goedwigaeth, ac ewch â'ch sbwriel adref
- cadwch yr erydiad i’r lleiaf posibl os ydych oddi ar y ffordd
- byddwch yn hunan-gynaliadwy - mewn ardaloedd pellennig gwnewch yn siŵr fod genych fwyd, offer atgyweirio, map a dillad glaw
- ceisiwch feicio neu ddefnyddio trafnidiaeth gyhoeddus i deithio i ddechrau ac o ddiwedd eich taith
- beiciwch o fewn eich gallu
- cyfatebwch eich cyflymder i’r arwyneb ac i'ch gallu
Diolch am feicio! Nid yw'r beic yn achosi llygredd nac yn cyfrannu at newid hinsawdd. Diolch am ddewis math amgylchedd gyfeillgar o drafnidiaeth.
