Caer i Gei Connah
Mae Caer yn dref hardd iawn yn llawn o adeiladau sy’n hanner pren. O amgylch y dref mae muriau canoloesol gyda rhannau ohonynt yn dyddio’n ôl i gyfnod y Sacsoniaid, a hyd yn oed y Rhufeiniaid. Gyferbyn â’r canol mae safle’r amffitheatr Rufeinig a’r canfyddiadau archeolegol Rhufeinig, a gellir gweld arddangosfa hanes lleol yn Amgueddfa Grosvenor.
Mae llwybr beicio ar hyd llwybr tynnu Camlas Undeb Swydd Amwythig sy’n cysylltu canol y dref i’r llwybr rheilffordd, taith agored hardd sy’n mynd â chi o ochr ogleddol Caer i dir âr cyfoethog Cilgwri, gyda chnydau tatws, India-corn a grawn.
Arferai llinell reilffordd Mickle Trafford i Dee Marsh gludo dur yn ôl a blaen o’r gwaith dur ar lannau afon Dyfrdwy ym Mhont Penarlâg. Yn y pellter gellir gweld Bryniau Clwyd. Pan gyrhaeddwch Bont Penarlâg efallai y byddwch am roi cynnig ar lwybr arall yn ôl i Gaer drwy ddilyn y llwybr ardderchog ar hyd Afon Dyfrdwy (Llwybr Rhanbarthol 89) yn ôl i ganol y dref.
Atyniadau naturiol:
- Golygfeydd Bryniau Clwyd
- Afon Dyfrdwy
Atyniadau i ymwelwyr:
- Caer
Cynigwyd y llwybr gan: Sustrans
Tagiau
Map o'r Llwybr
Sylwadau (0)
Manylion allweddol y llwybr
- Rhanbarth/Ardal:
Gogledd-ddwyrain
- Pellter:
7 milltir
- Amser sydd ei angen:
1.5 awr
- Dosbarthiad:
Hawdd
- Traffig:
Di-draffig
- Wyneb:
Cymysg
- Llwybr RhBC:
Llwybr Cenedlaethol 5
- Cychwyn:
Canolfan siopa Kingsway ar ochr ogledd ddwyrain Caer
- Gorffen:
Pont Penarlâg, Cei Connah
- Llogi beiciau:
Davies Bros Cycle Hire, 6 Cuppin Street, Caer. Ffôn: 01244 319204
- Mapiau a llysrynnau:
-
Taflen Caer – Cei Connah – PDF am ddim
- Arweinlyfrau a chyhoeddiadau:
- Gellir cael Map Beicio Caer o Ganolfan Groeso Caer. Ffôn: 01244 402111
- Cysylltiadau Gyda:
Mae’n bosibl gwneud hon yn daith gylchol drwy ddychwelyd i Gaer ar hyd llwybr beicio Afon Dyfrdwy ac yna ymuno â Chamlas Undeb Swydd Amwythig ar gornel gogledd orllewinol muriau’r ddinas (Tower Road / South View Road). Mae hwn yn arwain yn ôl i’r llwybr rheilffordd.
- Tywydd:
-
Iau
uchaf: 15°C isaf: 7°C
-
Gwener
uchaf: 14°C isaf: 9°C
-
Sadwrn
uchaf: 16°C isaf: 8°C
-
Sul
uchaf: 15°C isaf: 8°C
Dewis llwybr arall
