Routes2Ride - Sustrans

Nôl

Llwybr Beicio Aberteifi i Gilgerran

Sylwadau
Gweld map

Taith fer yw hon yng nghanol cefn gwlad Ceredigion sy’n cychwyn yn nhref arfordirol hanesyddol Aberteifi ac yn rhedeg ar hyd moryd llanw Afon Teifi drwy welyau cyrs eang i bentref Cilgerran gyda’i gastell, ei dafarndai a’i siop de.

Mae’r daith yn cychwyn ychydig i’r de o’r hen bont dros yr afon yn Aberteifi. Mae’r llwybr yn rhedeg ar hyd y sarn a adeiladwyd o wastraff y ffwrneisi ym 1885 er mwyn cludo rheilffordd Hendy-gwyn ac Aberteifi dros gorstir moryd yr Afon Teifi. Ar ôl adeiladu’r sarn newidiodd natur y corsydd gan fod y dŵr hallt a arferai orlifo i mewn ddwywaith y dydd yn cael ei ddal yn ôl.

Mae’r llwybr yn rhedeg drwy un o’r ardaloedd mwyaf o Gyrs Cyffredin yng Nghymru. Mae Bras y Gors yn adar preswyl ac yn y gwanwyn bydd Telor y Dŵr a Thelor y Gors yn cyrraedd o Affrica.

O ran Castell Cilgerran, yma y gwelodd y Normaniaid botensial y lleoliad am y tro cyntaf ac adeiladu castell cylchfur cynnar. Ond mae’r castell carreg mawreddog a saif yno heddiw yn waith William Marshal, Iarll Penfro ar ddechrau’r drydedd ganrif ar ddeg.