Routes2Ride - Sustrans

Nôl

Caerffili i Fachen

Sylwadau
Gweld map

Mae’r adran hon o RhBC 4 Caerffili wedi ei huwchraddio nifer o weithiau dros y blynyddoedd diwethaf ac erbyn hyn mae hi bron yn gwbl ddi-draffig.

O ganol Caerffili mae RhBC 4 yn mynd i gyfeiriad y dwyrain ar hyd stryd breswyl dawel cyn mynd ar adran o lwybr di-draffig sy’n mynd drwy ardal parc llinellol a heibio i ddwy ysgol.

Mae’r daith yn rhedeg ochr yn ochr â ffordd cyn ymuno â hen ffordd gefn, ac yna â llwybr glan yr afon o amgylch stad ddiwydiannol Bedwas. Diolch i’r ardal llain werdd fawr a adawyd rhwng y stad ddiwydiannol a’r afon, mae’r adran hon yn dawel iawn ac mae’n amgylchedd glan afon hyfryd a di-draffig.

Yn olaf mae’r llwybr yn croesi’r A468 i ymuno â llwybr beicio Bedwas i Fachen sy’n defnyddio adran o hen reilffordd.