Routes2Ride - Sustrans

Nôl

Llwybr Brunel o Neyland i Hwlffordd

Sylwadau
Gweld map

Mae’r daith hon yn ddringfa graddol gan adael y casgliad o longau lliwgar ym Marina Neyland (i’r gogledd o Benfro) i fyny drwy goedwig lydanddail hyfryd Gwarchodfa Natur Westfield Pill ar hyd moryd Daugleddau i Johnston.

Wedi hyn mae’r llwybr yn defnyddio llwybr ymdonnog sydd newydd ei adeiladu ac sy’n rhedeg yn gyfochrog â’r rheilffordd i Bont Myrddin ar gyrion Hwlffordd.

Mae’r llwybr y cychwyn ar linell Rheilffordd y Great Western, a adeiladwyd rhwng 1852-6 o dan gyfarwyddyd Isambard Kingdom Brunel, y peiriannwr enwocaf o Oes Victoria.

Wedi agor y llinell fel terfynfa Rheilffordd y Great Western, datblygodd Neyland gan ddenu llongau teithwyr yn wreiddiol ar eu ffordd i dde Iwerddon, er i’r fasnach yma orffen ar ddiwedd y bedwaredd ganrif ar bymtheg. Parhaodd y pentref yn borthladd pysgota prysur hyd nes canol yr ugeinfed ganrif.

Agorwyd Pont Cleddau, cysylltiad hollbwysig rhwng glan ogleddol a deheuol yr afon, ym 1975, gan gymryd lle’r fferi a arferai redeg rhwng Neyland a Phenrhyn Hobb.