Routes2Ride - Sustrans

Nôl

Aberystwyth i Lanilar (Adran o Lwybr Ystwyth)

Sylwadau
Gweld map

Mae’r Llwybr yn dechrau’n swyddogol yn y maes parcio drws nesaf i’r cae pêl-droed; fodd bynnag, mae’n hawdd ei gyrchu o unrhyw le yn Aberystwyth. Mae’r daith yn croesi’r bont droed ar draws afon Rheidol, yna drwy ardal o dai cyn croesi’r A487 brysur.

Yna bydd y daith yn dringo i fyny inclein byr a serth i ben Felin-y-Môr lle ceir golygfeydd da o’r arfordir. Gan ddilyn llwybr yr hen lein rheilffordd am tua 2 filltir i Lanfarian mae’r llwybr yn raddol gydag Afon Ystwyth ar y llaw dde.

Oddi yma mae’r daith yn mynd i mewn i goedwig, ac yma ceir ardal bicnic fechan gyda mainc ac arwyddion ar gyfer llwybrau cerdded drwy’r goedwig. Mae’r daith yn ymdonni am bellter byr cyn croesi pont dros Afon Ystwyth ac ailymuno â llwybr yr hen reilffordd am tua 2 filltir arall i mewn i Lanilar.

Ceir siopau yn Llanfarian a Llanilar, lle ceir hefyd dafarn fach.

Gall y daith gael ei ymestyn ymhellach ar hyd Llwybr Ystwyth. Gweler yr adrannau Llanilar i Abermagwr a Gwarchodfa Natur Cors Caron.